Stemningsrapport frå vintertreninga

Postet av Førde IL Orientering den 14. Feb 2020

Her kjem Gunnar Gytri med ein kort rapport om FIL Orientering sitt vintertreningsarbeid (Foto: Gunnar Gytri og Mark Purkis):

Styret inngikk hausten 2019 ei avtale med Mark Purkis om å ha o-tekniske treningar kvar 14. dag for våre ivrige ungdommar. Treninga er opne for dei som vil uavhengig av alder.

Laurdag 8 februar var treninga lagt til Flokeneset.

Anita Hole hadde full bil frå Førde (Anja, Håkon, Trygve, Mark og Gunnar), og på møteplassen i Flokeneset kom også Andreas Haug og Edvin Helle.

Vi sprang linjeorientering i ca 9 km. Været var surt med vind og regn. Myrane blaute, men det var god karttrening og ikkje minst god fysisk trening, og vi kunne føre inn 2 timar i treningsdagboka.