Anja med 15. plass i junior-NM

NM i orientering vart arrangert denne veka i Asker. Langdistanse gjekk torsdag, medan mellomdistanse gjekk laurdag. Anja Hole og Håkon Grønli representerte Førde IL Orientering begge dagar.

Når vi snakkar med løparane i ettertid, er det Anja som er mest fornøgd. Ho noterte seg for ein sterk 15. plass på mellomdistansen, og ein 23. plass på langdistansen i klasse D17-18. – Eg er spesielt nøgd med mellomdistansen. Ein 15. plass er karrierebeste på eit storløp. Eg følte orienteringa gjekk bra, sjølv om det vart nokre småbom av og til, fortel ho.

Håkon Grønli tok ein 37. plass på mellomdistansen, og ein 38. plass på langdistansen i klasse H17-18. Resultata er han ikkje heilt fornøgd med. – Løpsformen er bra, men det var krevjande å halde stor fart og lese kart samtidig. Men eg konkurrerer mot mange løparar som er eitt år eldre, så det blir nye sjansar i same klasse neste år, seier han.

Kartet over viser løypa til D17-18 mellomdistanse. Resultat og livelox finn du her.