Framme frå venstre: Kaja Osvoll, Ann Kristin Kusslid, Anja Hole og Guilhem Elias. Bak frå venstre: Gunnar Gytri, Elisabeth Kusslid, Erlend Husevåg-Lobben, Sjur Skilbrei og Gaute Osvoll. Foto: Knut Even Hole

Onsdag 2. juli hadde O-gruppa trening på Flugekartet for ungdomen som skal på Hovedløpet og O-landsleiren i Sandefjord 1.-6. august. Dei starta økta med oppvarming frå Flugekvam langs traktorvegen inn til start på korridor-orientering. Denne leia dei til start 2 og postplukk tilbake til traktorvegen igjen. Gunnar Gytri hadde laga opplegget, og var med som mentor for ei gruppe av ungdomane. Anja Hole og Guilhem Elias var og mentor for kvar si gruppe. Flott vær og fint terreng gjorde kvelden perfekt, og truleg gav trening ungdomen nokon nye o-tekniske tips. Tusen takk til Gunnar, Anja og Guilhem for hjelpa med treninga. Vi satsar på å ha minst ei økt til med ungdomen før dei setter nasen sørover til nokon kjekke dagar i Sandefjord. 

I år sender Førde IL-Orientering heile 7 ungdomar til HL/OLL, noko som er heilt fantastisk, og kanskje ny rekord? Gjengen reiser samla frå Førde i minibuss. Totalt frå krisen så blir dei 9 deltakarar. Dei som reiser frå Førde er: Kaja og Gaute Osvoll, Ann Kristin og Elisabeth Kusslid, Erlend Husevåg-Lobben, Sjur Skilbrei og Ella Ryste Haugsbø. Anne Therese Kusslid er reiseleiar og sjåfør for gjengen frå Førde. Frå Markane IL reiser Brita og Olina Svarstad Heggdal. Anne Marie Svarstad er med som reiseleiar og krinskontakt for Sogn og Fjordane.

Vestland bedriftsidrettskrins arrangerer laurdag 20. september for første gong Førde rundt! Dette er eit breiddearrangement i Førde sentrum, og målet er å få 1000 engasjerte personar til å springe eller gå i løypa i sentrum.
"Vi gjer klar for samhald og aktivitetsglede i 2025!  Vi er inspirert av Energistafetten i Stavanger, New York Marathon og den gode stemninga i Tour de France. Gateløpet er eit folkearrangement for både løparar og publikum. Du kan springe aleine eller saman med vener og familie. Om du ikkje skal springe treng vi deg til å lage fantastisk stemning langs løypa!

Med innsats, samhald og glede skal vi lage ein sikkeleg kjekk og sprek dag i sentrum!"

Bedriftsidretten treng frivillige til å vere med på arrangementsdagen. Det er mange ulike oppgåver som skal dekkast. Det vil bli betalt tilbake dugnadspenger til dei gruppene som er med, så her kan du sikre o-gruppa litt ekstra pengar i klubbkassa. Har du høve til å vere med laurdag 20. september, meld deg på via linken: Frivillig

Meir informasjon om løpet finn du på denne nettsida: Førde rundt