Statuttar for
æresmedlemskap i Førde IL Orientering
Æresmedlem er ein heider Førde IL Orientering kan tildele personar som over lengre tid har gjort ein ekstra stor innsats for å synleggjere og fremje orienteringsidretten ved:
- Arbeid for å legge til rette for å kunne drive orientering i Førde
- Stor administrativ innsats for Førde IL Orientering gjennom fleire år
- Langvaring sportsleg innsats på lagsnivå, eller prestasjonar av nasjonal og/ eller internasjonal klasse
Forslag, innstilling og vedtak om æresmedlemskap
Alle medlemmer i Førde IL Orientering kan overfor styret komme med forslag på kandidatar til æresmedlem. Styret vurderer innkomne forslag og eventuelt innstiller personar som bør utnemnast til æresmedlemmer. Styret skal i si innstilling vurdere aktuelle kandidatar i forhold til alle kriterium for æresmedlemskap. Årsmøtet i Førde IL Orientering gjer vedtak om æresmedlemsskap.
Tildeling og kunngjering av æresmedlemskap
Æresmedlem i Førde IL Orientering er først og fremst ein heider til vedkommande person. Æresmedlemskapet kan likevel synleggjerast ved eit diplom, eller ein gjenstand (pokal, krus, fat) med inskripsjon. Vedtak om æresmedlemskap skal gå fram av referatet frå årsmøtet, og skal elles gjerast kjent gjennom Førde IL Orientering si nettside og ved melding i aktuelle media.