"Stafett for livet" 10. og 11. sept

Førde IL Orientering har fått førespørsel om å vere samarbeidspartnar når "Kreftforeningen - Stafett for livet" vert arrangert på Førde stadion laurdag 10. og søndag 11. september. Dette er eit 24 timers løp med start kl 12.00 laurdag 10.9, med målgang kl 12.00 søndag 11.9.  Dei ulike laga kan ha så mange deltakarar som ein vil. Laga må til ei kvar tid ha minst ein deltakar på bana. Vedkomande kan gå eller springe. Ein kan veksle så mange gonger som ein vil. 

Så langt er det over 300 deltakarar, fordelt på i overkant 20 lag. Det vil til ei kvar tid vere mykje folk på stadion, og arrangøren ønsker at det skal vere litt aktivitet kring arrangementet. O-gruppa har difor fått spørsmål om vi kan ha eit opplegg frå kl 14.00 på laurdagen, mynta på born. Det mest nærliggande er å tenke ei rakettløype, og/eller ei N-løype. Dette kan vere ein god måte å marknadsføre oss på overfor nye grupper. Vi har sagt ja til dette. Dersom nokon kan vere med å hjelpe til, kontakt Knut Even.

Så er det komt opp spørsmål om Orienteringsgruppa også skal ha lag på stafetten. Det krev litt av oss, sidan det er eit 24 timars løp, og vi må ha ein del personar som seier ja til å vere med - også om natta. Er det interesse for dette? Hadde vore kjekt å fått dette til. 

Skriv i kommentarfeltet på Facebook-sida om dette er noko de kan tenke å vere med på.
Så tar vi ein status når vi nærmar oss helga om vi tenker vi har har nok personar til å gjennomføre stafetten. 

Link til arrangementet finn de her:  Førde - Kreftforeningens Stafett for livet